പുതുവര്‍ഷത്തിലെ പൊതു അവധികള്‍, പ്രഖ്യാപിച്ച്‌ ഒമാൻ

2026 വർഷത്തേക്കുള്ള ഔദ്യോഗിക അവധി കലണ്ടർ പ്രഖ്യാപിച്ച്‌ ഒമാൻ സർക്കാർ. തൊഴില്‍ മന്ത്രാലയത്തിന്‍റെ സ്ഥിരീകരണത്തോടെയാണ് പുതിയ അവധി പട്ടിക പുറത്തിറക്കിയത്.

സർക്കാർ-സ്വകാര്യ മേഖലകളിലെ പ്രവർത്തനങ്ങള്‍ മുൻകൂട്ടി ക്രമീകരിക്കാൻ സഹായിക്കുന്നതിനായി എല്ലാ വർഷവും നേരത്തെ അവധികള്‍ പ്രഖ്യാപിക്കുന്ന പുതിയ നയത്തിന്‍റെ ഭാഗമായാണ് ഈ തീരുമാനം.

ദേശീയ അവധികള്‍

2026 ജനുവരി 15 വ്യാഴാഴ്ച സുല്‍ത്താൻ ഹൈതം ബിൻ താരിഖ് സിംഹാസനമേറിയ ദിനത്തിന്‍റെ വാർഷികമായി ‘അക്സഷൻ ഡേ’ ആചരിക്കും. നവംബർ 25, 26 തീയതികളില്‍ ബുധൻ, വ്യാഴം ദിവസങ്ങളില്‍ ദേശീയ ദിന അവധി പ്രഖ്യാപിച്ചിട്ടുണ്ട്.

മതപരമായ അവധികള്‍

ജനുവരി 18 ഞായറാഴ്ച അല്‍ ഇസ്റാഅ് വല്‍ മിഅ്റാജ് (ഇസ്റാ-മിഅ്റാജ്) ദിനമായി ആചരിക്കും.

ജൂണ്‍ 18 വ്യാഴാഴ്ച ഇസ്ലാമിക് പുതുവത്സരം.

ഓഗസ്റ്റ് 27 വ്യാഴാഴ്ച പ്രവാചകൻ മുഹമ്മദ് നബിയുടെ ജന്മദിനം എന്നിവയ്ക്കും ഔദ്യോഗിക അവധി പ്രഖ്യാപിച്ചിട്ടുണ്ട്.

2026 ജനുവരിയില്‍ തന്നെ രണ്ട് പൊതു അവധികളാണ് ഒമാനില്‍ വരുന്നത്. അക്സഷൻ ഡേയും അല്‍ ഇസ്റാഅ് വല്‍ മിഅ്റാജും. സുല്‍ത്താൻ ഹൈതം ബിൻ താരിഖ് സിംഹാസനമേറിയ ദിനത്തിന്റെ ഓർമ്മപ്പെടുത്തലായാണ് ജനുവരി 15ന് അവധി നല്‍കുന്നത്.

തുടർച്ചയായ സേവനം ആവശ്യമായ സർക്കാർ-സ്വകാര്യ സ്ഥാപനങ്ങള്‍ ഔദ്യോഗിക അവധി ദിനങ്ങളിലും പ്രവർത്തിക്കേണ്ടിവന്നാല്‍, നിലവിലുള്ള തൊഴില്‍ നിയമങ്ങള്‍ അനുസരിച്ച്‌ ജീവനക്കാർക്ക് ആവശ്യമായ നഷ്ടപരിഹാരം നല്‍കണമെന്ന് തൊഴില്‍ മന്ത്രാലയം നിർദ്ദേശിച്ചു.

Story Highlights:Oman announces public holidays for the New Year